الوصفه كامله : للبسكويت : نخلط 4 بيص مع كاس سكر لمده 10 دقائق و نزيدله 1/2 كاس زيت و نخلط 2 د و 2و 1/2 كيسان فرينه و 1 ساشي خميره و رشه ملح و فاني و 1/2 كاس حليبو نخلط لمده 1 د و نحطوه في صينية كبيره تاع الفرن .كي يخرج نقطعوه بالمول . للكريمه : كريمه الحلواني : نسخن 1 ل حليب و نخلط 4 اصفر بيض مع كاس سكر و 80 غ نشاء و 40 غ فرينه و فاني و نصب فوقهم الحليب السخون و نرجعهم يطيبو حتى يخثار المزيج نحيه من فوق النار و نزيدله 2 مغارف اكل زبدة وجيلاتين اذا عندكم على خاطر انا مدرتش و جاتني ماهيش حاكمه روحها مليح لكريمه , يعني لي عندها الجيلاتين دير , نخلط مليح و نخليه يبرد . في صحن واحد اخر نخلط 2 كيسان حليب بارد مع 2 كيسان بودره الشانتي و نخليها تبرد . نخلط 10 بايط بوتي سويس مع كريمة الحلواني و نزيد نخلط معاهم كريمه الشانتي . للتزيين : نضع طبقه بسكويت و نرشها بالقطر و نصفف حبات الفراوله على جنب المول لي كون محلول من تحت باه تقدري تنحيه مبعد , و ندير طبقه كريمه و نحط شوي فراوله مقطعة و موز و نزيد الطبقه الثانيه من البسكويت و نرشها بالقطر و ندير فوقها الكريمه و اذا مازال بلاصه في المول تاعك ديري طبقة ثالثه حتى تكملي المول كامل . دخليها للمجمد لمده ساعتين كي تخرج نحيها من المول و زينيها بكريمه الشانتي و حبات من الفراوله و الشوكولاته .
تحضير المكونات اولا
2
3
4
5
و في اخير نتحصل على
0 التعليقات :
إرسال تعليق